സമയം...

സമയം കടന്നു പോകുന്നത് നമ്മൾ പോലും അറിയാതെ ആണ് പലപ്പോഴും . 

ജീവിതത്തിൽ അനുഭവങ്ങൾ തിരമാല പോലെ വരുമ്പോൾ അതിനൊപ്പം കൈ പിടിച്ച് സമയവും കൂടെ പോകുന്നു. അത്രയേറെ അടുപ്പം ഇവ തമ്മിൽ ഉണ്ടായിരിക്കാം. 

ഒടുവിൽ തിരിഞ്ഞ് നോക്കുമ്പോൾ , കാല്പാടുകൾ പോലും അവശേഷിപ്പിക്കാതെ സമയം നടന്നു പോയി എന്ന് നാം അറിയുന്നു. 

നല്ല സമയത്തിനൊപ്പം കുറേ നല്ല മനുഷ്യർ വരുന്നു , പറയാനും അറിയാനും. പിന്നീട് , എപ്പോഴോ ആ വേലിയേറ്റം ഇറങ്ങി ഒരു തരം ശാന്തത ഉള്ള അന്ത്യത്തിൽ എത്തി ചേരുന്നു.ജീവിത സായാഹ്നത്തിൽ ഓർക്കുവാൻ കുറെ ഓർമ്മ ചെപ്പുകൾ മനസ്സിൻ്റെ കോണിൽ സൂക്ഷിക്കുവാൻ സമ്മാനിച്ച് കൊണ്ട് സമയം വീണ്ടും കടന്നു പോകുന്നു,  മരണമെന്ന നിത്യ സ്നേഹിതൻ്റെ കൈ പിടിക്കുന്നു. 

ചക്രവാളം നീങ്ങുന്നു.