മരണവും രണവും

 

മരണവും രണവും ഒന്നാണ്. മരണത്തിൻ്റെ തണുപ്പ് ഗ്രസിക്കുന്ന നിമിഷങ്ങൾ രണ്ടിലും ഉണ്ട്. അത് കൊണ്ട് എല്ലാവരും പോരാളികൾ തന്നെ. ജനനവും അങ്ങനെ തന്നെ. ആർക്കോ വേണ്ടി എന്തിനോ വേണ്ടി ജനിച്ചു മരിക്കുന്നു , ഇതിനിടയിൽ അർഥമുള്ള ജീവിതം കിട്ടിയാൽ ഭാഗ്യം. 

മരണം പിടി തരാത്ത നിദ്ര പോലെ ആണ്. മയങ്ങി വീണാൽ ഉണരാത്ത അത്ര മാദകത അതിനുണ്ട്. ആരോ പറഞ്ഞു , മരണം ആഴക്കയം പോലെ ആണെന്ന്. മുങ്ങി നിവരുന്നവർ അത്ര ഇല്ല തന്നെ എണ്ണത്തിൽ. 

കാലൻ മരണത്തെ പ്രതിനിധീകരിക്കുന്നു കാരണം കാലം നീങ്ങുമ്പോൾ നമ്മളും മരണത്തിലേക്ക് നടന്നു ചെല്ലുന്നു. 

മരിക്കുവാൻ വേണ്ടി നല്ല വണ്ണം ജീവിക്കുക. ജീവിക്കുവാൻ വേണ്ടി ഓരോ നിമിഷവും മരിക്കേണ്ടതില്ല.